| Share page | Visit Us On FB |
|
ROBIN HOOD AND THE MONK
XII
Thus shet thei forth, these yemen two,
Bothe at buske and brome, Til Litull John wan of his maister
Five shillings to hose and shone.
XIII
A ferly strife fel them betwene,
As they went bi the wey ; Litull John seid he had won five shillings,
And Robyn Hode seid schortly nay.
XIV
With that Robyn Hode lyed Litull John, And smote hym with his hande ;
Litull John waxed wroth therwith, And pull'd out his bright bronde.
xv 'Were thou not my maister,' seid Litull John,
' Thou shuldis be hit ful sore ; Get the a man wher thou wilt,
For thou getis me no more.'
XVI
Then Robyn goes to Notyngham,
Hym selfe mornyng allone, And Litull John to mery Scherwode,
The pathes he knew ilkone.
XVII
Whan Robyn came to Notyngham,
Sertenly withouten layn, He prayed to God and myld Mary
To bryng hym out save agayn.
buske] bush. ferly] wondrous, strange. lyed] gave
the lie to. ilkone] each one. layn] concealment.
587 |
||